Eva Alimeri
Logopede e Licencuar
Eva Alimeri
Profili
Eva Alimeri është logopede e licencuar me përvojë disa vjeçare në fushën e çrregullimeve të komunikimit dhe zhvillimit tek fëmijët. Prej 1 qershorit 2023 ushtron aktivitetin në klinikën e saj logopedike, ku ofron: Vlerësime logopedike, Terapi logopedike, Terapi zhvillimi, Terapi ABA, Terapi loje.
Ajo përfundoi studimet Bachelor në degën Logopedi pranë Fakultetit të Shkencave Mjekësore Teknike në vitin 2015. Më pas vijoi studimet Master në periudhën 2015–2017, kohë gjatë së cilës nisi edhe ushtrimin e profesionit.
Nga viti 2015 deri në vitin 2023 ka punuar në institucione të ndryshme, ku ka trajtuar raste me diagnoza si: vonesa në të folur, vonesa gjuhësore, vonesa globale në zhvillim, çrregullime të artikulimit, çrregullime fonologjike, belbëzim, çrregullime të spektrit të autizmit, paralizë cerebrale, ADHD, sindroma Down etj.
Gjithashtu, Eva angazhohet rregullisht në edukimin dhe ndërgjegjësimin e prindërve mbi zhvillimin e të folurit dhe komunikimit tek fëmijët. Ajo ka realizuar workshopin "Stimulimi gjuhësor 0-3 vjec" dhe takime informuese në kopshte, duke trajtuar tema si zhvillimi gjuhësor sipas moshës, shenjat e hershme të vonesave dhe mënyrat praktike të stimulimit të të folurit në shtëpi. Aktivitete, të cilat synojnë fuqizimin e prindërve për të kuptuar më mirë procesin e zhvillimit dhe për të ndërhyrë në kohën e duhur.
Arsimi & Trajnimet
- 1Master në Logopedi — Fakulteti i Shkencave Mjekësore Teknike, Universiteti i Tiranës (2017)
- 2Bachelor në Logopedi — Fakulteti i Shkencave Mjekësore Teknike, Universiteti i Tiranës (2015)
- 3Diagnostikimi dhe ndërtimi i planit logopedik 0-3 vjec (trajnuar nga logopede italianë me përvojë shumëvjeçare)
- 4Vlerësimi i Disleksisë me testin e standartizuar të disleksisë në gjuhën shqipe
- 5Vlerësimi dhe trajtimi i belbëzimit
- 6RBT (Registered Behavior Technician)
- 7Çrregullimet gjuhësore dhe rehabilitimi logopedik
- 8VB-MAPP dhe ABLLS-R (protokolle vlerësimi zhvillimor)
- 9Teoria e mendjes tek fëmijët me çrregullime neurozhvillimore
- 10PRT (Pivotal Response Treatment)
Klinika Jonë
Një hapësirë e ngrohtë dhe mikëpritëse e dizajnuar për fëmijë
Filozofia Ime
"Besoj se çdo fëmijë komunikon në mënyrën e tij unike. Roli im është t'i takoj aty ku janë, të festoj çdo fitore të vogël dhe të bashkëpunoj me familjet në çdo hap të rrugëtimit. Terapia duhet të ndihet si lojë, e gëzueshme, kuptimplote dhe fuqizuese."